Maxfiylik siyosati

Oxirgi yangilanish: 20.09.2026

Ponyatno (Asal Muxtarovna brendi ostidagi rus tili dasturi) sizning ma'lumotingizni faqat kursni ishlatish va sifatini yaxshilash uchun yig'adi. Bu sahifada nima yig'ilishi, nima uchun kerakligi va uni qanday o'chirtirish mumkinligi yozilgan.

Qanday ma'lumot yig'amiz

• Telegram bot orqali: Telegram ID, ism, foydalanuvchi nomi (@username). Telefon raqami faqat siz o'zingiz yuborsangiz.
• Daraja testi va reja: test javoblari, natija va daraja, o'rganish maqsadingiz va kunlik vaqtingiz haqidagi javoblar, o'qish progressi. Gapirish vazifasida yuborgan ovoz yozuvingiz.
• To'lov: tanlangan tarif, summa va siz yuborgan to'lov cheki (skrinshot). Karta ma'lumotlarini biz saqlamaymiz.
• Sayt: sahifalarni ko'rish, tugmalarni bosish, qurilma turi, brauzer va reklama havolasidagi belgilar (UTM). Buning uchun brauzeringizda anonim identifikator saqlanadi, ismingiz yoki telefoningiz unda yo'q.

Nima uchun ishlatamiz

• Darajangizni aniqlash, shaxsiy reja tuzish va darslarni yuborish.
• To'lovni tekshirish va kursga kirishni ochish.
• Sayt va botning ishlashini tahlil qilish, xatolarni tuzatish.
• Reklama natijasini o'lchash: qaysi reklama foydalanuvchini olib kelgani va sotuvga aylangani.

Reklama va Meta (Facebook, Instagram)

Saytda Meta Pixel ishlatiladi, shuningdek Meta Conversions API orqali server tomonidan hodisalar yuboriladi (masalan: botga o'tish, daraja testini tugatish, to'lov). Bunda ism va telefon kabi ma'lumotlar Meta'ga faqat qaytarib bo'lmaydigan shifrlangan (xeshlangan) ko'rinishda uzatiladi. Meta bu ma'lumotni reklamani o'lchash va yaxshilash uchun o'z qoidalariga muvofiq ishlatadi. Meta'ning reklama sozlamalarini o'z akkauntingizda boshqarishingiz mumkin.

Ma'lumot kimlarga uzatiladi

Ma'lumotni sotmaymiz. U faqat xizmatni ishlatish uchun kerak bo'lgan provayderlarga boradi: Telegram (bot), Supabase (ma'lumotlar bazasi), Railway (server), Meta (reklamani o'lchash). Qonun talab qilgan hollarda vakolatli organlarga berilishi mumkin.

Qancha saqlanadi

Ma'lumot kursdan foydalanish davomida va undan keyin ham hisob-kitob va nizolarni hal qilish uchun zarur muddat saqlanadi. Sayt tashrifi statistikasi anonim.

Sizning huquqlaringiz

Ma'lumotingizni ko'rish, tuzatish yoki o'chirishni so'rashingiz mumkin. Buning uchun Telegram botimizga yozing: @ponyatnouz_bot. Brauzerdagi anonim identifikatorni saytning ma'lumotlarini (localStorage) tozalash orqali o'zingiz o'chirib tashlashingiz mumkin.

O'zgartirishlar

Siyosat o'zgarsa, bu sahifada yangilanish sanasi ham o'zgaradi.